Castellano | Euskara | Français | English
Hipotekak
- Partekatu
Kuotaren kalkulua
BERRIA: Maileguaren kuotaren kalkulagailua
Zenbat ordaintzen da hilean hipoteka-maileguagatik?
Amortizazio kuota da hipoteka-mailegua eman duen finantza erakundeari aldian behin ordaindu behar zaion zenbatekoa. Bai interesak eta bai eskatutako kapitala ordaintzen dira kuotaren barnean. Hileko kuota izan ohi da, baina hiru hilean behin, sei hilean behin edo urtean behin ere ordaintzen ahal da.
Hipoteka-maileguak interes aldakorrekoak izan daitezke (formula baten araberakoak, zeinaren ondorioz normalean interes tasa urtero aldatzen baita, merkatuko tasa bati, adibidez euriborrari, diferentziala gehituz kalkulatzen delako), edo interes finkokoak (interes tasa ezaguna da maileguaren iraunaldi osorako eta ez dago ziurgabetasunik). Interes finkoko maileguetan ordea, tasa handixeagoa izaten da, eta maileguaren epea laburragoa.
Beste modalitate bat da hipoteka atzerriko dirutan egitea. Alabaina, aukera horrek badu arriskua, ordaindu beharreko zenbatekoa atzerriko dibisaren trukaneurrien bilakaeraren mende ere egonen baita.
Honek ere bi motatako kuotak ditu:
- Finkoa edo aldagaitza, maileguaren iraunaldi osoan aldatzen ez dena alegia.
- Aldakorra, adibidez, goranzko kuota.
Kuota kalkulatzeko metodoak
Aldian behingo amortizazio kuotak kalkulatzeko zenbait metodo daude. Sistema frantsesa deitzen zaiona gure herrialdean ematen diren hipoteka-mailegu gehienetan erabiltzen da. Amortizazio sistema alemana da bestea. Hauek dira haien ezaugarri nagusiak:
- Sistema frantsesa. Kuota aldagaitzak ditu oinarri, eta saiatzen da kuota guztien artean banatzen kapitalaren amortizazioa eta interesen karga. Horren ondorioz, hasierako kuotetan interesak ordaintzen dira gehienbat, kapitala amortizatu ordez.
- Sistema alemana. Gutxiago hedatuta dagoen metodo honetan kapitala amortizatzeko diru kopuru finkoa ordaintzen da, baina kuotak hilero aldatzen dira, gero eta interes gutxiago gelditzen delako ordaintzeko (batez ere, maileguaren epean aurrera egin ahala). Maileguagatik guztira diru gutxiago ordaintzen da, baina lehenbiziko urteetan kuotak handiagoak dira sistema frantsesean baino.
Salerosketa
Alokairua
Zaharberritzea
Bitartekaritza
Ebaluatzeko Txostena (EET)
- Gai orokorrak Hartzaileak Edukia, epeak eta teknikari eskudunak Prestatzeko modua Tramitazioa Nafarroako Eraikinak Ebaluatzeko Erregistro Orokorra
Zentsua
- Zer den eskatzaileen zentsua eta nork eman dezakeen izena Izena emateko pausoak Izena eman dut, eta orain zer? Esleitzeko prozeduraren faseak Etxebizitzen sustapena Ohiko galderak
