Bi urtez behingo lehiaketak Nafarroako herritarren bizi-baldintzetan eragin onuragarria eta nabarmena izan duten ekimen jasangarriak aintzatesten ditu esparru hauetan: etxebizitzaren eta garapen komunitarioan, hiri- eta eskualde-garapenean eta kudeaketa jasangarrian.
Diruz lagundutako proiektuek baldintza hauek bete behar dituzte:
- Nahitaez: eragina, elkartegintza eta jasangarritasuna.
- Aukeran: lidergoa eta komunitatea indartzea, genero-berdintasuna eta gizarte-inklusioa, berrikuntza tokiko testuinguruan eta transferigarritasuna, eta transferentziak.
Irizpideen zerrenda osoa (pdf-aren 5-7 orrialdeak).
Kategoriak
- Hiru jardunbide hoberenetako bakoitzerako: 1.000 euro.
- Hiru jardunbide hoberenetako bakoitzarendako eta aipamen bereziendako, halakorik balego: diploma bat eta garaikur bat.
- Jardunbide egokitzat jo direnak "Nafarroako Foru Komunitateko 2023-2024 aldiko Tokian tokiko Garapen Jasangarriko Jardunbide Egokien Hogeita Hamargarren Katalogoa" delakoan agertuko dira.
- Katalogoa Nafarroan, Espainian eta nazioartean zabaltzea.
Adituen Batzordeak informazio gehiago eskatuko du, egoki iritziz gero, eta Nafarroako Foru Komunitateko Toki Garapen Jasangarriko Jardunbide Egokien Katalogoan argitaratzeko modukoak diren ekimenak hautatuko ditu.
Hautatzen diren hautagaietatik, gehienez ere hiru jardunbide hoberenak nabarmenduko dira sarirako. Gainera, kalitatearen arabera, Aipamen Berezi edo Gomendio batzuk ere egin ahalko dira.
Landa Garapeneko eta Ingurumeneko Departamentuak sariak emateko ekitaldi publiko batean emanen dizkie sariak hautaturiko norbanako edo erakunde guztiei.