• Doako arreta espezializatua ematen die sexu-indarkeriaren biktima izan diren edo bizirik atera diren 16 urtetik gorako emakumeei, indarkeria hori gaur egungoa zein iraganekoa izan, Nafarroako Foru Komunitatean bizi badira.
• Laguntza ematen zaio familia osoari eta hurbil-hurbileko pertsonei, hala behar badute.

Zerbitzu hori eskuratzeko, ez da beharrezkoa salaketa jartzea. Era berean, ez da beharrezkoa babes-agindurik edo epairik izatea. Emakume guztiek eskura dezakete, haien egoera administratiboa edozein izanda ere.

Sexu-indarkeriari Arreta Integrala Emateko Zentroak (SIAIZ) erantzun integrala ematen die sexu-indarkeriaren biktima diren edo indarkeriatik bizirik atera diren emakumeen beharrei, eta honako zerbitzu hauek eskaintzen ditu espazio seguru eta konfidentzial batean:

• Arreta integrala
• Prebentzioa
• Sentsibilizazioa
• Prestakuntza
• Informazioa
• Irisgarritasun unibertsala
• Profesionalen, interpreten eta kultura-bitartekaritzaren aholkularitza

Zentroko taldea abokatutzako, psikologiako, gizarte-laneko eta gizarte-hezkuntzako profesionalek osatzen dute.

• 10/2022 Lege Organikoa, Sexu Askatasunaren Berme Integralari buruzkoa.
• 14/2015 Foru Legea, Emakumeen kontrako Indarkeriari aurre egitekoa.