Ingurumenaren-baimenak Nafarroako Gobernuaren tramiteen katalogoko fitxen bidez tramitatzen dira, urte osoan zehar.  Sustatzen duzun industria-motaren edo proiektuaren arabera, baimen bakoitza bereiz eskatu beharko duzu tramiteen katalogoko hainbat tramiteren bidez, edo, bestela, batera tramitatu beharko dituzu ingurumen-baimen integratuaren (IBI) edo ingurumen-baimen bateratuaren (IBB) bidez, betiere zure industria bi maila horietako batekoa bada.  

Kutsadura prebenitu eta kontrolatzeko helburuarekin, ingurumen-baimen integratuak (IBI) industria batek ingurumenaren arloan dituen mugak ezartzen ditu aireko isurketa, hondakin-uren isurketa, sortutako eta kudeatutako hondakin eta abarretarako. Instalazioak ingurumen-baimen integratuaren araubidean sartuta daude baldin eta haietan egiten bada Kutsaduraren Prebentzio eta Kontrol Integratuari buruzko Legearen testu bateginaren 1. eranskinean, zehaztutako kategorietako jardueraren bat (Lege hori abenduaren 16ko 1/2016 Legegintzako Errege Dekretuaren bidez onetsi zen). 

Legediak xedatzen duenez, instalazio horiek modu integratuan eta tramite bakar batean eska ditzakete haien jarduera mugatzen duten ingurumen-baimen guztiak.

Baimen horiek emateko eskumena du Nafarroako Foru Komunitateko Administrazioan ingurumenaren arloan eskumenak dituen departamenduak.

→ Eska eta alda ezazu IBIa Ingurumen-baimen integratua (IBI). 

→ Ikus itzazu Nafarroako Foru Komunitateko industriako instalazioei emandako IBIen kontzesioak, bai eta ondorengo aldaketak, instalazio bakoitzari ezarritako funtzionamendu baldintzak eta haiei buruzko bestelako dokumentazioa ere.

Ingurumen-baimen bateratuak (AAU) IBBen xede bera du. Araubide honetan sar daitezke abenduaren 16ko 17/2020 Foru Legearen 1. eranskinean, adierazitako proiektu eta jarduerak (Foru lege horrek arautzen ditu Ingurumenean eragina duten Jarduerak). 

Legediak xedatzen duenez, instalazio horiek modu bateratuan eta tramite bakar batean eskatu ditzakete haien jarduera mugatzen duten ingurumen-baimen guztiak.

Baimen horiek emateko eskumena du Nafarroako Foru Komunitateko Administrazioan ingurumenaren arloan eskumenak dituen departamenduak.

→ Eska eta alda ezazu IBBa Ingurumen-baimen bateratua. tramitearen bidez.

→ Ikus itzazu Nafarroako Foru Komunitateko industriako instalazioei emandako IBBen kontzesioak de la Comunidad Foral de Navarra, bai eta ondorengo aldaketak, instalazio bakoitzari ezarritako funtzionamendu baldintzak eta haiei buruzko bestelako dokumentazioa ere.

Abenduaren 16ko 17/2020 Foru Legearen 3. eranskinean, jasotako instalazioetarako lizentziak ematea toki-erakundeen eskumen esklusiboa da. Beraz, ezarri nahi duzun jarduera edo proiektua eremu horretan sartzen bada, jarduera sailkatuaren lizentzia-eskaera aurkeztu beharko duzu dagokion toki-erakundean.

Gogora ezazu, kasu horietan, toki-erakundearen mende ez dauden gainerako baimenak (beste administrazio-organo batzuen mende daudenak, hala nola, Nafarroako Gobernuaren edo konfederazio hidrografikoen mende) aparte eta banaka abiarazi behar direla (ez modu integratuan, IBIa edo IBBa bezala), behar den erakundean.

Prozedura horiek jendaurreko epea bat izan behar dute, eta epe horretan herritarrek egoki iritzitako alegazioak aurkez ditzakete. Hona hemen jendaurreko informazio-epe horien iraupena:

• Ingurumen-baimen integratua (IBI): 30 egun
• Ingurumen-baimen bateratua (IBB): 20 egun
• Jarduera sailkaturako lizentzia: 20 egun

→ Ikus itzazu jendaurreko informazioaren tramitean dauden IBI eta IBB baimenei buruzko espediente administratiboak

→ Egin alegazio bat, ingurumen-baimen integratuen eta bateratuen aurka, jendaurreko informazioaren tramitean 

Jarduera-lizentzien kasuan, udal-espedienteak iragarriko dira toki-erakunde arduradunak egokitzat jotzen duen bezala, eta alegazioak behar den leihatilan aurkeztuko dira.