Prezioak

(Edukira Joan)

Castellano | Euskara | Français | English

Herritarrak :
- Salerosketa :
  - Etxebizitza babestua :
    - Prezioak

Partekatu

Nafarroako Gobernuak etxebizitza babestuak erosteko eta alokatzeko gehieneko prezioak onesten ditu urtero. Urte honi dagozkion prezioen taula kontsultatu egin daiteke edo prezioen eta babes araubidearen kalkulagailua sartu.

Prezioa ezberdina da, etxebizitzaren araubidea zein den (adibidez, babes ofizialeko etxebizitza edo prezio tasatukoa) eta etxebizitza berritzat edo erabilitzat jotzen den kontuan hartuta. Etxebizitza berritzat jotzen dira etxebizitzen sustatzaileak erosleari lehen aldiz saltzen dizkionak (hurrengo taularen goiko erdiko prezioak aplikatuko lirateke). Erosle horrek etxebizitza saltzen badu beranduago edo, etxebizitzak amaitu direnetik urtebetetik gorako epea igarota, sustatzaileak saltzen badu, etxebizitza erabilitzat joko da, eta taularen beheko erdiko prezioak aplikatuko lirateke.

Badago prezio zehatz bat etxebizitzen eta garajeen metro karratu erabilgarriko eta beste bat, aurreko prezioaren %40 izanen dena, aldiz, erantsien, hau da, trastelekuen edota lokalen metro karratu erabilgarriko.

Garajeei dagokienez, etxebizitzarako ezarritako prezioa aplikatzen da, indarra duen azken araudiaren arabera, haren azalera 14 metro karratu erabilgarritik gorakoa ez denean bakarrik. Lehen garajeen azalerak metro komunak barne hartzen zituen, eta haien gehieneko azalera 30 metro erabilgarrikoa zen (etxebizitza erabili askoren kasua horixe da). Kasu horretan, haien prezioa erantsietarako ezarritakoa izanen litzateke, eta ez etxebizitzarako ezarritakoa.