Gainera, Osasun Departamentuak bizirik dagoen organo-emaileak egindako organo-ematea sustatuko du (halako 4 kasu izan ziren 2012an, 2011n bezala eta 2010ean baino bat gehiago); horrek tartean dauden eragile guztien motibazioa nahiz kontzientziazioa handitzea eskatuko du (Adona, Alce redo Athena organo-emaileen elkarteak esaterako, transplanteetan inplikatutako osasun-langileak…).

Azkenik,Departamentuak Lizarra eta Tuterako ospitaleetara zabalduko du Nafarroako Ospitale Gunean aplikatzen den detekzio-eredua garunezko heriotza izan dezaketen pazienteak goiz identifikatzeko eta monitorizatzeko eta organoak emateko mediku-kontraindikaziorik ez dutenak.

Hiru estrategia horiekin Osasun Departamentuak transplante-beharrak asetzeko dauden organo-emaile nahiz organoen eskasia arindu nahi du; hori gertatzen da heriotza entzefalikoagatik izandako heriotzak gutxitu egin direlako, eta tradizionalki heriotza-mota horretan oinarritu da Espainiako transplanteen eredua.

Gutxitze hori izan da errepidean izandako hildakoen kopuruak nabarmen behera egin duelako, Espainiako ZIUen funtzionamendua eta osasun-sistema hobetu direlako eta, oro har, larrialdien artatzea hobetu delako: iktuseko unitateen sorrera (2008tik 4.800 paziente artatu dira iktusagatik); ahalegin terapeutikoa mugatu da (LET) edo bizi-euskarriaren tratamenduarena (LTSV); edo bihotz- eta arnas-gelditzeen pazienteen suspertzea hipotermiarekin, arazo entzefalikoak… murrizten dituztenak.

Osasuneko zuzendari nagusiak –Nafarroako transplanteeen koordinatzaile Javier Aldave eta CHNko transplanteen koordinatzaile José Elizalderen laguntzarekin– azaldu du asistolian egindako organo-emateak konplexutasun handiagoa duela eta, xede horretarako. CHNk bertako langileak prestatzen ari dela, ONTk eskatutako protokoloak eta abar landuz.